სცენაზეა ისრაელსა და საზღვარგარეთ სახელგანთქმული მომღერალი და კონფერანსიე რაბი ისრაელ პარნასი. მის შემდეგ სცენაზე შემოდის ისრაელის მომღერალ ბავშვთა კონკურსში გამარჯვებული მიშელ ქოენი, რომელმაც მოაჯადოვა მაყურებელი

        ეს იყო 2012 წელს. "ისრაელ-საქართველოს მეგობრობის რუსთაველის სახელობის საზოგადოებამ", "საქართ-ველოდან გამოსულ ებრაელთა მსოფლიო ფედერაციამ" და გაზეთის "ალია საქართველოდან" რედაქციამ, დაბა-დებიდან 70 და საზოგადოებრივი მოღვაწეობის დაწყებიდან 50 წლის იუბილე გადაუხადა ღვაწლმოსილ თანამემამულეს აბრაამ საპირ (სეფიაშვილს).

    იუბილესთან დაკაშირებული საზეიმო ცერემონიალი მოეწყო ისრაელის ქალაქ აშდოდში, რომელიც აბრაამისათვის მშობლიური ქალაქია ვინაიდან მისი საზოგადოებრივი მოღვაწეობა ისრაელში აქედან დაიწყო.

საზეიმო განწყობილება სუფევდა აშდოდის "იად ლებანიმ"-ის კულტურის გაჩირაღდნებულ დარბაზებში. საზეიმო საღამოს დაწყებამდე ფოიეში ხდებოდა საზღვარგარეთიდან და ისრაელის სხვადასხვა კუთხეებიდან ჩამოსული სტუმრების მიღება. ისინი გულითადად ესალმებოდნენ იუბილარს და მერე ჟგუფ-ჯგუფად შეკრებილნი საუბრობდნენ.

        აქ იყო გამოფენილი ქართულ, რუსულ და ებრაულ ენებზე დაბეჭდილი გაზეთის ასობით ნომერი, ჟურნალები "ალიონი" და აბრაამის მიერ გამოცემული წიგნები ქართულ და ებრაულ ენებზე. ნებისმიერ მსურველს შეეძლო მათი წაღება უფასოდ.

       დარბაზების სხვადასხვა კუთხეებში დადგმულ ფართო ეკრანებზე აჩვენებდნენ აბრაამის მოღვაწეობის შესახებ ისრაელში და საქართველოში გადაღებულ კინო, ტელე და ვიდეო ფილმებს.

     ერთერთ დარბაზში იყო ნამცხვრით, ტკბილლეულით და არაალკოჰოლური სასმელებით გაწყობილი სუფრები, აქვე შეგეძლოთ ცხელი ყავისა და ჩაის სმაც.

       დარბაზში შემოსული ყველა მანდილოსანი ჯილდოვდებოდა თეთრი ვარდით   

        საზეიმო საღამოს 500-ზე მეტი სტუმარი და ხელოვანი ესწრებოდა და ის 5 საათი გაგრძელდა.

გთავაზოთ ამ საზეიმო საღამოს გადაღებულ ვიდეო კადრებს ....